文章分類: 足球 (如履薄冰)

西甲亦都結束了

felineterry — Sun, 21 May 2006 23:18:52 +0800

西甲 05/06 球季結束. 歐聯皇者巴塞隆拿一早已穩奪冠軍, 黃馬 & 華西分別為亞軍 & 季軍, 巴塞 & 黃馬將會參加來屆歐聯, 華西 & 奧沙辛拿 (4th) 將會參加歐聯附加賽. 歐協杯得主西維爾 (5th) & 升班馬切爾達 (6th) 將會參加足協杯. 艾拉維斯 (18th), 卡迪斯 (19th) 兩支升降機, 加埋馬拉加 (20th) 降班.
最後西維爾都追唔過頭參加歐聯. 另外上季晌乙組既切爾達痛定思痛, 今季升班後大打爭氣波, 結果比佢地得到歐協參賽資格.

南華食屎啦!!!

歐聯皇者 -- 巴塞隆拿

felineterry — Thu, 18 May 2006 13:40:05 +0800

巴塞隆拿後來居上, 以 2:1 反勝阿仙奴奪冠, YEAH~~ 我特登請假睇波, 果然冇白費心機.
上半場列文被人趕出場, 我勁開心!! 不過之後巴塞開始嘆慢板, 睇住黎食, 反而踢得衰, 下下亂咁吊個波入去. 尤其是奧利古亞, 進攻又唔得, 防守又唔得, 仲比蘇根佬壓贏頂入先開紀錄.
下半場頭 30 分鐘都係冇乜起色, 不過其實換左恩尼斯達入黎就好左 d 架喇. 之後拿臣換入, 再換走奧利古亞換入比列提, 掂晒!! 恩尼斯達直傳, 拿臣做駁腳傳比伊度奧射入追平, 之後拿臣橫傳比列提入楔窄位射入反超前. 2:1 之後巴塞就同阿記玩馬騮搶波, 猜到佢地死到完場.
結果巴塞捧盃, 睇下佢地勁開心呀：

不過阿記捧唔成盃, 最傷既都係熱刺. 佢地煞科戰比人害到食物中毒, 個個痾到腳仔軟輸埋場波, 成季既努力就咁冇晒, 好灰!! 我勁懷疑係阿記既人做既, 所以我依家勁憎阿仙奴, 比起 19k 更甚!!!

歐協同歐聯都係西班牙球會捧盃, 希望黎緊既世界盃, 西班牙有好成績, 最好就係歷史性捧盃啦!!

意甲煞科

felineterry — Sun, 14 May 2006 23:19:09 +0800

意甲 05/06 球季結束. 斑馬, ac & 割米分別為冠亞季軍, 斑馬 & ac 將會參加來屆 r 聯, 割米 & 廢倫天拿 (4th) 將會參加 r 聯附加賽. 羅馬(5th) & 拉素(6th)將會參加足協杯. 墨西拿(18th), 萊切(19th) & 泰列維素(20th)降班.
其實 ac 仲有得追, 只要斑馬輸波而 ac 贏波就可以反壓奪冠, 但係煞科戰斑馬同 ac 都贏波, 所以最後都係斑馬冠軍.
另外如果今晚羅馬贏而廢倫天拿失分, 第四五位置就會易手, 都時踢足協既就會變成廢倫天拿而唔係羅馬. 但係最後廢倫天拿都作客贏波, 同埋羅馬亦輸左比 ac.
意甲又爆醜聞, 斑馬懷疑操縱球証做波, 如果係真既話, 佢地個冠軍就贏得一 d 都唔光彩啦!!

德甲煞科

felineterry — Sat, 13 May 2006 23:07:58 +0800

德甲 05/06 球季結束. 拜神, 不來梅 & 漢堡包分別為冠亞季軍, 拜神 & 不來梅將會參加來屆 r 聯, 漢堡包將會參加 r 聯附加賽. 史浩克04(4th) & 利華古遜(5th)將會參加足協杯. 凱沙羅頓(16th), 科隆(17th) & 杜伊斯堡(18th)降班.
煞科戰漢堡包主場對不來梅決定來屆邊隊直接踢 r 聯, 但係漢堡包主場唔爭氣輸 1:2, 所以第二三位就此易手.
漢堡包個勢都唔係咁好, 4 場波贏 1 輸 3, 如果穩定 d 分分鐘反壓拜神拎冠軍. 下年再黎過啦~

歐洲足協盃

felineterry — Thu, 11 May 2006 22:42:58 +0800

足協盃有結果了, 米舖最後以 0:4 大敗晌西維爾腳下!!
今次米舖爆唔倒珠喇, 反而係對手西維爾爆珠. 可能西維爾見米舖 3 球都追倒, 所以一下子就入佢地 4 球, 等佢地翻唔倒身~~
睇返原來西維爾幾勁, 以前出過雷耶斯, 沙治奧拉莫斯 & 巴迪斯達等勁人, 依家隊中有簡奴迪 & 沙維奧拿. 真係唔聲唔聲嚇你一驚!!

英超煞科

felineterry — Mon, 08 May 2006 14:07:19 +0800

英超聯 05/06 球季結束. 車仔, 19k, 生活好分別為冠亞季軍, 車仔 & 19k 將會參加來屆 r 聯, 生活好 & 兵工廠(4th) 將會參加 r 聯附加賽. 熱刺(5th) , 暴力般(6th) & 韋斯咸將會參加足協杯. 伯明瀚(18th), 西布頓(19th) & 新特蘭(20th)降班.
煞科戰熱刺作客韋斯咸輸 2:1, 另一邊兵工廠主場 4:2 贏韋根, 此消彼長之下熱刺就臨尾香冇左個 r 聯附加賽資格.
其實熱刺自從作客新特蘭晌 90 分鐘被迫和冇左 2 分之後, 已經洩左道氣, 睇佢之後打得幾海鮮下就知. 作為熱刺既 fans, 對於佢地踢唔倒 r 聯固然可惜, 但係佢地的確係未夠班去踢 r 聯, 勉強去踢只會變另一隊列斯聯 or 愛華頓, 倒不如學下生活好慢慢變強吧.
如果要求唔高既話, 今年佢地算係超額完成了. 希望佢地下年有更好既成績!!

英超球賽兩篇

felineterry — Mon, 01 May 2006 00:55:07 +0800

車仔星期六主場以 3:0 徹底擊敗 19k, 衛冕英超聯冠軍. 睇下班人幾開心~~：

賽前廢格腎仲死撐話可以阻止車仔封皇, 仲大言不慚咁話會後來居上, 結果咪就係輸 3:0 囉!! 自取其辱!!
賽事有不幸事情發生左, 朗泥腳骨折, 要抖六個星期. 正所謂剃頭者, 人亦剃其頭, 早段佢一腳踩落去泰利果度, 好似想對方收山咁, 唔知依 d 算唔算係報應了.

熱刺主場有驚無險, 小勝保頓 1:0, 只要下個星期作客韋斯咸贏埋就得了. 阿癲佬果邊, 唔好理喇, 熱刺做好本份, 唔好唔爭氣失分. 萬一 touch wood 來屆 r 聯席位比癲佬搶左, 都唔係衰自己, 只不過係人地叻仔而已~~

米舖主場又再爆珠

felineterry — Fri, 28 Apr 2006 09:23:42 +0800

首回合作客輸 0:1, 次回合主場再落後 0:2 之下, 再次奇蹟反勝布加勒斯特星隊 4:2, 兩回合計贏 4:3 晉級 r 協決賽.
其實米舖既河畔主場真係浸死唔少強隊, 英超五強：車仔, 19k & 癲佬慘死其腳下, 生活好 & 熱刺就和波失分. 之前對巴素利, 首回合作客輸 0:2, 次回合主場再落後 0:1, 結果又係反勝 4:1 晉級. 勁~!!!

尋晚有幸睇返之前癲佬對熱刺場英超精華, 癲佬兩個球員相撞倒地, 卡域克就 hold 住個波停晌度. 球員 A 即時起返身, 而球員 B 亦有動作想起返身. 球証走埋去睇過, 但係冇示意要暫停比賽. 卡域克見到兩人冇大礙, 所以繼續進攻, 傳比戴維斯, 再傳比羅 bikini 射入.
我覺得完全冇問題囉, 對手自己冇默契撞埋一齊, 又可以起返身, 同埋卡域克亦係見到兩人冇事 & 球証冇示意停止比賽, 所以先繼續既~

巴巴悶和 ac

felineterry — Thu, 27 Apr 2006 09:15:08 +0800

0:0
決賽將會由巴巴 vs 阿癲佬
我有起身睇場波, 不過好鬼悶. 巴巴似乎想做多 d 防守, 但係佢地明顯唔識守, 好多有驚無險既鏡頭. ac 都唔係好好, 作客唔識攻, 如果好似潛艇咁狂砌, 一早輸 2-3 粒. 或者係主場同作客既分別呱, 又或者係之前果場 d 球員比人踢傷晒, 始終 ac 班友咁鬼老, 哥斯達古達成 40 歲都仲要踢正選, 臨尾仲搵卡富出黎同人搏命......
見細哨想爆珠, 但係佢似乎狀態唔係咁好. 不過佢有球 no-look pass 好靚.
小插曲：半場果陣卡卡急不及待搵細哨交換波衫, 駛唔駛咁早呀? 攪到我仲以為佢地下半場唔踢添. 可能佢地想早 d 拎件波衫去信和炒吧~

癲佬作客悶和潛艇

felineterry — Wed, 26 Apr 2006 13:38:07 +0800

0:0
癲佬就咁碌下碌下就碌左入決賽. 唉.... 極唔想見到牠們碌埋個冠軍返黎!!
今場潛艇"禁"住黎砌, 但係又不斷咁浪費機會, 13 射 5 中呀, 我打 winning 入左 2-3 球啦!! 而癲佬只係得 5 射 1 中. 列基美 90 mins 果球 12 碼竟然唔入, 比列文撲出, 勁 hurt!!
吹長雞之後見到雲格晌度 yeah, 又見到潛艇班球員喊晒咁, 我都好唔開心, 唯有希望巴巴醒醒定定, 同我收服隻癲佬吧~

兩件足球事

felineterry — Mon, 24 Apr 2006 23:32:23 +0800

本地波：
南華護級戰和公民 1:1, 護級失敗, 來屆降落乙組, 不過香港足總可能會挽留. 上一次要降又唔駛降已經扯火, 今次又係咁!!?? 願賭服輸, 比 d 體育精神得唔得? 老牌球會 or 傳統勁旅咁唔駛降班, 咁不如改埋賽制啦：南華唔駛踢聯賽, 首循環聯賽冠軍同南華最後晌南華會球場一場過, 贏果隊先拎聯賽冠軍丫!! 有志氣有實力既應該由乙組踢返上黎. 如果最後真係挽留既話, 香港足球正式宣佈沒落了!!
英超聯：
雲格怒插熱刺入果球波, 心諗你冇野下嘩? 自己友撞埋一齊咋喎, 關仁隱士咩!? 正如朋友柏素所講, 以後對手進攻, 我地就自己人撞自己人黎瓦解攻勢吧!!

熱刺作客癲佬被迫和

felineterry — Sat, 22 Apr 2006 23:51:24 +0800

1:1
好呀, 和左冇損失, 至緊要唔好輸. 依家仲係爭 4 分, 只要熱刺剩低果 2 場：主場對保頓 & 作客對韋斯咸唔好失分就得勒. 不過都要癲佬 r 聯 & 聯賽仆左街先得~~

癲佬主場小勝潛艇

felineterry — Fri, 21 Apr 2006 23:31:35 +0800

贏1:0
我頂!! 下場作客一定龜縮啦!!
唉!! 碌下碌下入決賽, 千其唔好比佢地碌埋個冠軍呀!!
勁憎阿癲佬!!

巴巴作客小勝 ac

felineterry — Wed, 19 Apr 2006 23:21:19 +0800

贏 1:0
剩係細哨一條友已經玩死 ac 班老鬼後防. ac 對住 d 快波必死, 例子：舊年對生活好, 對 psv, 前年對拉科!! 佢地分分鐘黎到修頓都唔夠班陀地踢!!

熱刺輸左

felineterry — Mon, 17 Apr 2006 22:41:26 +0800

熱刺輸左比 19k 1:2, 依家 lead 住癲佬 4 分但係多打一場, 如果星期六輸左比癲佬, r 聯就係咁先喇!!

(閱讀全文)