如履薄冰

慎言...... (後記)

felineterry — Fri, 15 Sep 2006 22:15:56 +0800

話說 2 Jun, 2006 寫了"慎言......"一文, 內容講及口臭同事 D 君串我比我以粗口講笑地回敬, 結果牠玩小器, 以後再冇同我講野. 其實我之後基於禮貌關係 send 左封道歉 email 比牠.
今日食飯, 平時食開飯果班同事上晒去聽野, 得返牠同另外兩個頗熟絡既同事, 仲有我. 講牠係畜牲冇錯既, 又晌度攪小圈子, 又晌度玩親疏有別, 三個人食飯特登唔叫我, 後尾問返估倒係隻畜牲既主意.
15 Sep, 2006....... 永遠記得 D 君今日落過我面. 到我走果日派餅唔駛旨意有牠份!!

再次執筆

felineterry — Sat, 29 Jul 2006 23:58:10 +0800

其實冇乜野特別事, 只係見兩個星期冇寫野, 所以求其寫幾個字上去.

依排冇乜特別, 日日唔開心咁返工, 悶悶咁放工, 放假屈晌屋企打機. 份工越來越唔想做, 日日都想遞辭職信. 我都唔好日日怨, 工又搵唔倒就做下傻仔先, 都做左四年幾, 唔爭在做多少少時間. 希望快 d 搵倒新的好工作!!

新屋要賣, 果度唔係好利我, 唔想搬入去住. 對佢有偏見囉, 自從買左之後好似未好過, 女友冇左, 爸爸有病, 識朋友比人玩, 公司又當我傻仔. 上次去一去整野就差 d 同人打架, 唔係對方縮沙就打左好耐, 我驚嚴重傷人, 依樣野事少, 比差佬拉事大. 我控制唔倒自己, 平時壓力好大好唔開心, 一遇到不平事就熱血沸騰, 如果有人侵犯我, 我絕對唔會容忍 & 手下留情囉. maybe 果度風水同我既時辰八字唔夾呱. 希望快 d 有人出好價買左我個單位!!

依家日日見到粗框都會打招呼, 好似好好咁, 但係 fwd 比佢既 email 都係冇回覆, 似乎都係點頭之交而已. 仲有個高妹, 亦係做左點頭之交, 搵日有機會會問佢叫咩名.

Vivien 同我講話, 好多野講左出黎人地會同我一齊唔開心之餘仲幫輕唔到. 其實都係既, 都係唔好同 d friend 怨咁多, 人地可能唔鍾意聽 d 唔開心既事, 只係唔會同我講, 而用行動黎疏遠我. 香港係一個現實同向錢看既地方, 搵倒真感情係我既幸運, 被冷待係正常既.

雨中慢步....... 濕晒~~

felineterry — Sat, 15 Jul 2006 23:43:27 +0800

食完飯悶悶地, 一條友仔出街行下. 果陣仲係好好天, 大風左 d 而已.
我搭車出左葵芳, 然後沿住一條冇咩人行既路去左荃灣. 行一條冇咩人行既街, 感覺好似得我一個行晒咁, 好舒服! 途經母校, 令我諗起以前既日子, 夜校果段日子最開心, 又自由. 諗返起 d 朋友, 依家冇連絡喇, 都唔想搵, 因為感覺變了. 之後又由荃灣經另一條路行返葵芳, 果陣開始有少少雨, 開頭都幾舒服, 後尾越落越大, 我成身濕晒, 哈哈!!
行到巴士站, 搭車返屋企沖涼抖下好過了~~

(閱讀全文)

幾樣野......

felineterry — Wed, 12 Jul 2006 21:38:08 +0800

先幾日晌灣仔買左個叉電機, 尋日晌深水埗見到同一隻, 竟然可以平 $10. 同一個價錢我可以買個 5 小時快充, 唔駛叉 12 個鐘咁耐. 鬼咩!! 我去過幾個地方睇過都冇我想要果隻, 一見到灣仔有先至拿拿聲買左佢, 邊會諗起深水埗依個地方!? 通常只有買電腦野先會諗起佢架嘛~~ 買左兩粒叉電, 又係平 $10, 但係隻垃圾 mouse 唔岩用, 要搵野"朗"起少少先得, 正一垃圾!! 記住喇：勁量得就買返勁量, 唔好買其他牌子黎搏佢得唔得, even 帶埋粒舊電去度位都係冇用的!!

新屋收到統計處既信話會上黎做普查, 我今日打電話上去叫佢地唔駛上黎, 因為係吉屋, 唔會有人應門, 但係佢地話點都要上一上黎, 我話冇所謂, 佢地鍾意黎咪黎囉, 摸門釘之嘛~~

公司有個同事真係要講講, 佢同我熟似乎只係想令自己既工作順利 d, 平時講野就爹聲爹氣, 一幫唔倒佢手就發爛咋, 睇穿左佢之後我已經同佢保持左距離, 就連 add 左既 msn 都 delete 埋, 同依 d 人有咩好傾呢? 同佢熟絡要幫佢手先既, 我 d 野做唔晒邊個幫我手!? 依家任何野都 first in first out, 細野插下隊無妨, 大野就問我阿頭, 我唔會賣人情同人頂囉!!

嬲到爆炸!!

felineterry — Fri, 07 Jul 2006 22:59:46 +0800

頂!! 今日比個所謂既 senior operator 激死!!
print monthly reports, 每個月都走黎問我點 print, 答佢唔係問題, 問題係當我好詳細好清楚咁講每一個 step 既時候, 佢永遠都插咀, 不停咁插, 令我每次都唔可以完整地講出一句說話, 正一係：教又唔聽, 唔聽就唔識, 唔識又要問, 不停咁 loop. 我咁岩又趕緊野比 user 喎, 我狠狠地講左一句："依 d 野你上次咪問左囉, 又黎問我!!??" 之後佢死死地氣自己搵返舊 doc 黎跟.
記得尋日上左新 program 要 update 返個 manual, 我走去問佢邊個 update 好, 又係好煩, 一個問題要起碼十回對話先可以得出答案. 好吧, 我 update. 我驚佢唔明, 所以特登用返 manual 入面既句子去 update, 點知仲係唔明!! even 一句好 simple 既句子都可以會錯意：print 1st report with hard-copy ONLY, save 2nd report with soft-copy ONLY. 即係第一份 report print 出黎, 唔駛 save file, 第二份 report save file 唔駛 print. 佢竟然可以 get 倒：第一份又 print 又 save, 第二份齋 print 唔 save. 有冇攪錯!!?? 我果刻幾扯火下, 我同佢再清楚地講多次, 佢又照樣插咀, 一句說話要斷三四節先可以講完, 仲要我講話："你可唔可以比我講埋先!?"先可以講晒果一句!! 我真係想拎果句 simple 句子比其他同事睇, 我好想知係我寫得差, 定係佢理解能力有問題囉!!
最最最嬲係依件事!! 佢有份 report 既 printing steps 寫錯晒, 我抽左小小趕緊野既時間幫佢 print, 同埋 mark 返清楚 d steps 等佢將來改返 (佢改好 d, 一間佢又唔明我 d 簡單句子喇~), 記住!! 我係趕緊野架!! 我 print 返晒, mark 返晒 d steps, 由於果 set reports 要出兩份, 我就想佢熟習下新 steps, 要佢跟住 steps 再做多次. 頂!! 佢即刻多多意見, 又問點解要再做過(出一 set 兩份佢知道的)? 又話可唔可以改到一次出兩份, 又依樣又果樣, 我以前賴過野：同佢解釋只會浪費更多時間, 所以佢問乜我通通狠狠答唔得, 佢仲晌度依依哦哦, 我即刻掉低張 notes 紙返埋位趕野, 唔再理佢. 之後佢勁賤格, 走入老細房關埋門傾密計, 我唔知佢地傾乜, 相信都係插我啦!! 但係老細之後又冇搵返我傾計, even 我有野唔明走去問左佢好耐野, 佢都冇同我提起件事, 勁奇怪囉!!

我似乎亦要收下我 d 脾氣, 不論對方係咪抵炳!!

尋晚睇醫生, 大眼睛姑娘竟然認得我, 冇問過我個名就同左我掛左號, 臨走拎藥果陣我問佢係咪認得我, 佢話係, 我之後仲讚佢好犀利~~
勁開心呀!! 有個姑娘記得我個名同地址, 佢仲幾可愛添架~~

另一樣頗為開心既事, 某某女同事主動撩我玩. 之前佢問過我拎電話, 我比左佢, 但係佢冇打過比我. 我其實 add 左佢個 msn 架喇, 不過到依家都冇見過佢 online, 冇 chat 過, 仲諗住 msn 下先至進一步連絡添. 臨放工我都有撩返佢玩~

一係打人, 一係比人打死, 就係咁簡單!!

felineterry — Sat, 01 Jul 2006 23:30:01 +0800

今日落超級市場買野飲, 遇到對畜牲狗男女!!
牠們搵部車阻住條路, 我輕輕推開佢繼續行, 那隻狗公似乎唔滿意, 大大聲喝我, 我開頭已經唔理, 狗公越吠越大聲, 我之後走埋去問牠們咩事, 牠講話我撞倒牠們要我道歉. 哈哈, 我掂都冇掂倒牠, 冇錯當然唔道歉. 我同隻狗公講我完全冇掂牠, 所以絕對唔會道歉. 狗公唔滿意, 晌度大聲吠, 仲越吠越惡, 我當時有 d 驚, 所有大聲叫救命, 叫話有人想打人, 我旨在叫晒 d 人黎, 等牠們唔好亂黎. d 人黎晒勒, 牠們知道自己理虧想走想落台, 又反問我點知牠想打我, 又大聲喝我走, 我當然企硬唔走啦, 呼之則來揮之則去咩!? 狗公就話："唔好走丫, 死傻仔!!" 我果刻好火, ok!! 我問佢係咪想撩交打, 講真打交我奉陪到底. 隻狗公得把口, 一路吠一路走左去.
故事未完結, 晌收銀處又見返牠們, 我擺出架式撩隻狗公, 牠笑我傻仔, 我大聲喝返牠："係咪唔順!? 隻揪丫!!!" 衰在我老毛病發作, 一緊張就會震, (以前打空手道 free-fight 或套拳比賽, 臨出場同打完都會震, 打緊就冇事) 比隻狗公見到比牠們笑. fine~~!! 我係驚既就唔會一而再再而三咁撩牠打架啦. 隻狗婆叫隻狗公唔好理我, 話我係流氓, 我臨走同牠們講左句："狗男女, 屌你老母!!", 之後我亦冇聽到任何回應.
講真, 我預左一係打人, 一係比人打, 至多咪上差館!! 一對狗男女以為惡就大晒, 欺善怕惡, 蝦我一個人!? 一喝牠們隻揪即刻縮. 我諗返起巴士阿叔段片, 知道唔可以退縮半步, 雖然係會犯法或令自己受傷囉!! 我知好多人會唔認同我依種行為, 不過唔理喇~~!!

慎言......

felineterry — Fri, 02 Jun 2006 23:14:55 +0800

今日同同事食飯, 平時多口同事 D 君都成日窒人串人, 佢頭先又串我, 我咪笑笑口對佢講左一兩句粗口, 平時都係咁玩啦, 點知佢話我冇禮貌 & 唔想同我講野, ok fine, 咁以後佢唔好再窒我串我勒, 我難得耳根清靜~~
雖然"得罪"左佢我係唔 care, 但係諗諗下都係要慎言 & 少講粗言穢語, 難保第日會唔覺意得罪一 d care 既人架嘛, 同埋女仔都唔鍾意人講粗口啦~~

隨時斷的橡筋......

felineterry — Tue, 30 May 2006 11:49:40 +0800

今日同左朋友祖記去睇 z gundam 第三集, 戰鬥畫面好精彩, 同埋有新結局, 整體黎講係 ok 既. 新結局係大團圓, 嘉美尤最後冇精神崩潰, 不過我還是喜歡嘉美尤精神崩潰既結局多 d, 因為夠深刻.

之後大家去左食飯, 我又不其然地呻. 其實我唔想咁, 因為佢冇必要要聽我呻. 我形容佢聽我依家似一條拉緊左既橡筋, 隨時斷. 我自己都好驚自己會爆發, 我怕我一打人就會停唔倒手, 會打死人 or 嚴重傷人, 會坐監. 依幾年做咩都唔順利, 屈埋屈埋又冇開心事 or 好事黎平衡一下. 我唔知我仲可以"吸收"幾多黑仔野囉.

祖記佢叫我去多 d 街 relax 下, anyway 多謝佢既意見, 但係我唔講比佢聽我唔鍾意出街係因為極討厭見到街上既狗男女一對對. 我唔係冇努力過囉, 無奈我自己黑仔諸事不順, 果 d 破壞我朋友關係既打耙賤人偏偏得到上天眷顧而成功.

哼!! 依個世界真係冇天理囉!! 只要唔抵觸法律, 做壞事係唔會有任何報應 or 懲罰, 仲可以享受成功既結果, 反而受害者仲要孤伶伶咁睇住人地開心...... 我心已死!!

真係黑仔成咁!!??

felineterry — Sat, 27 May 2006 11:44:02 +0800

今朝早起身將個 dvd-rw 裝落部機度, 唔急, 好小心咁裝, 點知最後部機唔著!! 試左好多次都係唔著, even 我將兩隻 rw 拎走都係唔著, 見到 cpu 把風扇唔郁, 知道大件事了 -- 整死了底板 or cpu!!!! 屌佢~~!! 原來隻 dvd-rw min. 要 1.3ghz cpu, 我唔知係咪因為依個原因啦, 我部老爺機, 6 年前既 product, 仲係 533mhz. 但諗極都唔明點解咁樣就會死機囉!!
唉................ 黑撚到仆街, 我之前已經同過 vivien 呻過我仍然係運氣好差, 唔知點解做親咩野都唔順利, 大野如追女仔依 d 唔想講啦, 好似今日換個 dvd-rw 咁簡單, 我以前都 plug 過 cd-rw, cd-rom, harddisk 數十次都冇事, 點知今次就出事.
其實我有 plan 換電腦, 不過要得搬新屋先換囉, 依家死左機迫住要換, 大破財!!!

好辛苦, 好想黑氣霉運快 d 過!! 成日咁黑仔既生活係冇意思的!!

十分‧愛

felineterry — Sat, 27 May 2006 01:53:03 +0800

買左 dvd-rw 了, 以後我可以自己燒碟, 唔駛拜託朋友 or 同事, 或者幫襯老翻佬, 比錢佢地黎受氣!!

一首叫"十分‧愛"既歌, 由鄧麗欣主唱, 好 touch. 反而合唱版冇咁正. 歌詞如下：

分手後應該擺脫　卻自覺天真
曾傷我最深的人　捉緊我心
應該漠不關心　然而還著緊
消失枕邊人　很想跟你熱吻

#愛你要比沉淪深海　更難耐
你沒有心給我未來　求你莫再　令我憎你還愛#

*早知不應試愛　便算哀　現在問問誰珍惜不再
活該　當得到所愛　背著我犯錯　竟不散不愛
心　未放開　原來逃避感覺越怕越存在
愛滿分竟是換來　痛亦滿分可否錯一次以後　一直愛
(痛亦滿分不想再一次意外) *

這考驗不高深　是扣著你真心
來傷我更深的人　多麼次等
應該漠不關心　然而還著緊
消失枕邊人　很想跟你熱吻

REPEAT # (*) *

成首歌既歌詞都好到肉, 而我最喜歡依幾句："曾傷我最深的人, 捉緊我心"、"你沒有心給我未來, 求你莫再, 令我憎你還愛"、"愛滿分竟是換來, 痛亦滿分不想再一次意外".

西甲亦都結束了

felineterry — Sun, 21 May 2006 23:18:52 +0800

西甲 05/06 球季結束. 歐聯皇者巴塞隆拿一早已穩奪冠軍, 黃馬 & 華西分別為亞軍 & 季軍, 巴塞 & 黃馬將會參加來屆歐聯, 華西 & 奧沙辛拿 (4th) 將會參加歐聯附加賽. 歐協杯得主西維爾 (5th) & 升班馬切爾達 (6th) 將會參加足協杯. 艾拉維斯 (18th), 卡迪斯 (19th) 兩支升降機, 加埋馬拉加 (20th) 降班.
最後西維爾都追唔過頭參加歐聯. 另外上季晌乙組既切爾達痛定思痛, 今季升班後大打爭氣波, 結果比佢地得到歐協參賽資格.

南華食屎啦!!!

歐聯皇者 -- 巴塞隆拿

felineterry — Thu, 18 May 2006 13:40:05 +0800

巴塞隆拿後來居上, 以 2:1 反勝阿仙奴奪冠, YEAH~~ 我特登請假睇波, 果然冇白費心機.
上半場列文被人趕出場, 我勁開心!! 不過之後巴塞開始嘆慢板, 睇住黎食, 反而踢得衰, 下下亂咁吊個波入去. 尤其是奧利古亞, 進攻又唔得, 防守又唔得, 仲比蘇根佬壓贏頂入先開紀錄.
下半場頭 30 分鐘都係冇乜起色, 不過其實換左恩尼斯達入黎就好左 d 架喇. 之後拿臣換入, 再換走奧利古亞換入比列提, 掂晒!! 恩尼斯達直傳, 拿臣做駁腳傳比伊度奧射入追平, 之後拿臣橫傳比列提入楔窄位射入反超前. 2:1 之後巴塞就同阿記玩馬騮搶波, 猜到佢地死到完場.
結果巴塞捧盃, 睇下佢地勁開心呀：

不過阿記捧唔成盃, 最傷既都係熱刺. 佢地煞科戰比人害到食物中毒, 個個痾到腳仔軟輸埋場波, 成季既努力就咁冇晒, 好灰!! 我勁懷疑係阿記既人做既, 所以我依家勁憎阿仙奴, 比起 19k 更甚!!!

歐協同歐聯都係西班牙球會捧盃, 希望黎緊既世界盃, 西班牙有好成績, 最好就係歷史性捧盃啦!!

意甲煞科

felineterry — Sun, 14 May 2006 23:19:09 +0800

意甲 05/06 球季結束. 斑馬, ac & 割米分別為冠亞季軍, 斑馬 & ac 將會參加來屆 r 聯, 割米 & 廢倫天拿 (4th) 將會參加 r 聯附加賽. 羅馬(5th) & 拉素(6th)將會參加足協杯. 墨西拿(18th), 萊切(19th) & 泰列維素(20th)降班.
其實 ac 仲有得追, 只要斑馬輸波而 ac 贏波就可以反壓奪冠, 但係煞科戰斑馬同 ac 都贏波, 所以最後都係斑馬冠軍.
另外如果今晚羅馬贏而廢倫天拿失分, 第四五位置就會易手, 都時踢足協既就會變成廢倫天拿而唔係羅馬. 但係最後廢倫天拿都作客贏波, 同埋羅馬亦輸左比 ac.
意甲又爆醜聞, 斑馬懷疑操縱球証做波, 如果係真既話, 佢地個冠軍就贏得一 d 都唔光彩啦!!

賣電話賣都好火!!

felineterry — Sat, 13 May 2006 23:34:23 +0800

拎左部 n3650 去賣, 原本一星期前問過價, 可以賣 $500, 到今日拎過去果陣, 又壓價變 $450, 牠仲理直氣壯咁話價既野成日變, 仲大大聲咁話跌 $50 算少云云. 我窒返牠叫牠唔好浪費我時間啦!! 我心諗實係牠食價想食多 $50, 我條氣唔順, 所以拎去再四維問.
去到南豐中心, 大部分舖頭都有 $500. 有間舖頭個死八婆開頭講 $530, 之後再去變 $500, 由於之前有被壓價既陰影, 我想就走啦, 那隻畜牲就講 $510, 再講 $520, 但係態度極之悔氣, 我見牠係咁"求"我, 就算啦比牠, 牠又極悔氣咁話我係咪男人, $10 都唔比牠賺, 我當堂火都黎埋, 拎返部機叫牠算數, 唔駛牠咁悔氣, 出左舖我仲大大聲對牠講 $10 買牠既態度, 牠還我一句叫我仆街死.
我心諗牠仆街死都未到我啦, 咁既態度, 舖頭實冇生意, 到時唔知邊個仆街呢!?
最後去左一間態度幾好既哥哥仔度放機, still $500, 少幾十都唔比畜牲們賺!!
之前放果間態度極好, 可惜個價太低. 力生哥哥仔又係一樣, 態度極好但價太低, 唔係既話就放比佢地兩個比佢地賺吧~

德甲煞科

felineterry — Sat, 13 May 2006 23:07:58 +0800

德甲 05/06 球季結束. 拜神, 不來梅 & 漢堡包分別為冠亞季軍, 拜神 & 不來梅將會參加來屆 r 聯, 漢堡包將會參加 r 聯附加賽. 史浩克04(4th) & 利華古遜(5th)將會參加足協杯. 凱沙羅頓(16th), 科隆(17th) & 杜伊斯堡(18th)降班.
煞科戰漢堡包主場對不來梅決定來屆邊隊直接踢 r 聯, 但係漢堡包主場唔爭氣輸 1:2, 所以第二三位就此易手.
漢堡包個勢都唔係咁好, 4 場波贏 1 輸 3, 如果穩定 d 分分鐘反壓拜神拎冠軍. 下年再黎過啦~